Genesis 49

UJakobe ubusisa amadodana akhe

1UJakobe wasebiza amadodana akhe wathi ^a: Buthanani ukuze ngilazise okuzalehlela ensukwini ezizayo ^b.

2Buthanani, lizwe madodana kaJakobe, limlalele uIsrayeli uyihlo.

3Rubeni, ulizibulo lami ^c, amandla ami, lokuqala kokuqina kwami ^d, ukuphelela kwesithunzi ^e, lokuphelela kwamandla. 4Uphuphuma njengamanzi, kawuyikuba ngopheleleyo, ngoba ukhwele embhedeni kayihlo ^f, wasuwona; wakhwela embhedeni wami.

5USimeyoni loLevi bayizelamani ^g; inkemba zabo ziyizikhali zokuphanga. 6Umphefumulo wami ungangeni emphakathini wabo wangasese ^h, udumo lwami lungahlangani emhlanganweni wabo ⁱ; ngoba ngolaka lwabo babulala umuntu, langokuzithokozisa baquma izinkabi umsipha. 7Kaluqalekiswe ulaka lwabo ngoba lulamandla, lentukuthelo yabo ngoba ilesihluku. Ngizabehlukanisa koJakobe ^j, ngibahlakaze koIsrayeli.

8Juda, wena, abafowenu bazakudumisa ^k; isandla sakho sizakuba sentanyeni yezitha zakho ^l; amadodana kayihlo azakukhothamela ^m. 9UJuda ungumdlwane wesilwane ⁿ; wenyukile empangweni, ndodana yami, uguqile, ulele njengesilwane, lanjengesilwane esisikazi; ngubani ozamsukumisa ^o? 10Intonga yobukhosi kayiyikusuka kuJuda ^p, lomnikumthetho phakathi kwenyawo zakhe ^q, aze afike uShilo ▼

▼ uShilo: Heb  lowo engeyakhe.

, njalo izizwe zizamlalela ^s. 11Ubophela ithole lakhe likababhemi evinini ^t, lethole likababhemikazi wakhe evinini elihle. Uhlamba isigqoko sakhe ewayinini, lesembatho sakhe egazini lezithelo zevini. 12Amehlo akhe azakuba nsundu ngewayini ^u, lamazinyo akhe mhlophe ngochago.

13UZebuluni uzahlala ^v ethekwini lolwandle ^w, abe litheku lemikhumbi, lomngcele wakhe uzakuba ngaseSidoni.

14UIsakari ungubabhemi olamathambo alamandla, oqutha phakathi kwemithwalo emibili ^x. 15Wathi ebona indawo yokuphumula ukuthi inhle, lelizwe ukuthi liyabukeka, wagobisa amahlombe ^y akhe ukuze athwale, waba yinceku esibhalweni ^z.

16UDani uzakwahlulela abantu bakhe ^aa, njengesinye sezizwe zakoIsrayeli. 17UDani uzakuba yinyoka endleleni, inhlangwana emkhondweni, eluma izithende zebhiza, ukuze umgadi walo awe nyovane. 18Ngilindele usindiso ^ab lwakho, Nkosi.

19UGadi, iviyo lizamhlasela ^ac, kodwa yena uzahlasela ezithendeni.

20Kuvela kuAsheri, ukudla kwakhe kuzanona, uzaveza izibiliboco zenkosi.

21UNafithali uyimpala ethukululiweyo, eveza amazwi amahle.

22UJosefa ulugatsha oluthelayo, ugatsha oluthelayo emthonjeni, ingatsha ▼

▼ ingatsha: Heb  amadodakazi.

zikhwela phezu komduli. 23Abatshoki ^ae basebemphatha kabuhlungu ^af, bamtshoka ^ag, bamzonda ^ah. 24Kodwa idandili lakhe ^ai lahlala liqinile, lengalo zezandla zakhe zaqiniswa ngezandla zikaSomandla kaJakobe ^aj, okuvela khona umelusi, ilitshe likaIsrayeli ^ak, 25ngoNkulunkulu kayihlo ^al ozakusiza, langoSomandla ozakubusisa ngezibusiso zamazulu ezivela phezulu, izibusiso zokujula okulele phansi, izibusiso zamabele lesizalo, 26izibusiso zikayihlo ziyedlula izibusiso zabokhokho bami, kuze kube sengqongeni zamaqaqa aphakade ^am; zizakuba phezu kwekhanda likaJosefa ^an, laphezu kwenkanda yalowo owehlukaniswe kubafowabo.

27UBhenjamini uyimpisi edabulayo ^ao; ekuseni izakudla ekujimbileyo, lakusihlwa izakwehlukanisa impango ^ap.

28Bonke labo bayizizwe ezilitshumi lambili zakoIsrayeli; futhi lokho yikho uyise akukhuluma kubo ebabusisa; ngulowo lalowo ngesibusiso sakhe wababusisa. 29Wasebalaya wathi kubo: Sengibuthelwa ebantwini bakithi ^aq; lingingcwabe labobaba ^ar obhalwini olusensimini kaEfroni umHethi ^as, 30obhalwini olusensimini yeMakaphela eqondane leMamre, elizweni leKhanani, uAbrahama owaluthenga lensimu kuEfroni umHethi ^at ibe yindawo yethu yokungcwabela. 31Lapho bangcwaba oAbrahama loSara umkakhe ^au; lapho bangcwaba oIsaka ^av loRebeka umkakhe; lalapho ngangcwaba uLeya, 32insimu, lobhalu olukiyo, kwathengwa emadodaneni kaHethi. 33Kwathi uJakobe eseqedile ukulaya amadodana akhe, waqoqela inyawo zakhe embhedeni, waphela, wabuthelwa ebantwini bakibo ^aw.